現在的工人為了博炒, 真的無所不用其極. 舊傭工用的方法是:
- 把日常要做的工作拖拉到叫才做, 不叫不做
- 經常告訴孩子她快要走了
- 故意挑起兩姊妹的爭端, 例如把兩粒糖給她們, 叫家姐先取, 妹妹來取前傭工把糖拿走, 令妹妹以為是家姐取了兩粒, 引起爭執
- 開工時間不停打機和用電話
- 當妹妹見到她開工時打機, 告訴我們後, 她便暗中對妹妹施壓, 說她不應告訴我們, 並處處針對她
- 有意無意不準時接送
老實說, 對請工人這件事, 我們已經十分厭煩了. 所以, 這次我們沒有浪費時間選工人. 只要看到她之前的工作經驗是照顧兩個小孩, 便立即請了, 什麼會見面談一律免談.
最後, 新傭工在未見我們, 未聽過我們聲音下, 就上工了.
那樣如何確保傭工是合適的呢? 便是禱告交托了.
請傭工真係煩, 我家個海外傭工, 我地等了四個月, 終於來啦, 來到貨不對辦, 又話有帶小朋友經驗, 連最基本, 都唔識, 洗完廁所個地好似水浸, 都容許我個女行入去, 結果, 一定係跌親撞個頭落雲石角. 比魚湯我個女飲, 又冇隔魚骨. 叫佢換床單, 就立刻跳上我張床換. 一日做得最多既就係坐係度, 但我要返工, 點不停叫佢做野呢? 事先吩咐既係唔會做, 攪到我要安排婆婆來幫手. 阿女叫佢就扮時運高咩都聽唔到, 連個女去完便便叫佢都聽唔到. 叫佢去婆婆屋企接個女返家, 佢就話因為八達通有錢, 所以佢冇去, 又唔通知你, 你打返屋企又唔聽電話. 但事實八達通仲有幾拾蚊. 好彩個女係係婆婆家, 唔係放學接校車. 種種行為已令我不知何說, 而家多了個工人,我仲要照顧多個人, 假日仲要煮飯佢食, 唔知請佢來做咩, 炒又要搵返個. d 中介真搵笨, 大又唔掂, 細又唔掂, 都唔知點好. 總之一肚氣, 要忍佢兩年, 真係想死.
回覆刪除幾年前, 當agent費仍然算平, 如果教極都唔聽, 真係會考慮換第二個. 再唔係就向agent反映, 等佢話下工人. 而家講比agent聽, 佢地轉頭就教你個工人辭職, 等佢可以sell多個斷續賺錢. 而家搵工人難, 要大幅降低要求, 慢慢教下. 唔係到佢辭工你更煩.
刪除