放學25問

你今日做晒功課未？練左琴未？溫左書未？

以上題目可能係好多父母放工返到屋企會問的問題，小朋友聽得多一定會覺得厭倦，漸漸會唔想同父母溝通。

有套電影叫歲月神偷，讀書不多的父母返屋企會問孩子一條題目：今日老師教左乜？小男主角由每天敷衍回答到後來留心上課，真的告訴父母老師教了些什麼，令我印象深刻。我個人認為小朋友每日放學後父母問孩子什麼問題很影響親子關係。

在網上找到以下25條題目，供大家參考，無須日日問一些孩子無興趣回答的問題，增進親子溝通：

1.今日喺學校遇到最好嘅事係乜？（或遇到最壞嘅事係乜？）
2.話我知今日有乜嘢令你係咁笑？
3.如果有得揀，你最想邊個同學仔坐你隔離？（或者最唔希望坐你隔離？）
4.學校邊個地方最吸引呢？
5.話我知你今日聽過最古怪嘅詞語係乜？（或從某人聽過最古怪嘅事？）
6.如果今晚我打電話俾老師，你估老師會同我講你啲乜呢？
7.你今日點樣幫助人？
8.人哋今日點樣幫你呀？
9.講一樣你今日學到嘅新嘢？
10.今日邊個時間最開心？
11.今日邊個時間最悶？
12.如果有太空船去到班房要捉走一個人，你想邊個俾外星人捉走？
13.有邊個同學仔你未同佢玩過，好想小息搵佢一齊玩？
14.話我知今日發生過乜嘢好事？
15.邊個詞語老師今日講得最多？
16.你覺得有乜嘢你要喺學校做／學多啲？
17.你覺得有乜嘢你要喺學校做／學少啲？
18.你覺得要對邊個同學仔好啲？
19.小息時你通常去邊度玩？
20.邊個同班同學最得意？點解係佢？
21.午餐最鍾意係乜？
22.如果聽日你係老師，你會做乜？
23.班上有邊個同學仔要罰佢冷靜下？
24.如果有得調位，你最想同邊個調？
25.今日你分別三次用鉛筆做過啲乜？

大家又會問孩子什麼題目呢？